VEVLOGG
I
februar 2007 tok eg i bruk ein ny vevlogg. Den finn du på
vevlogg.kenfred.com
eller ved å nytta
denne lenka.
Såleis
vil det ikkje komma fleire innlegg i den gamle vevloggen, men dei
som vil kosa seg med den gamle, kan likevel gjera det. Enjoy!
I denne spalta vil eg
halda dei som måtte vera interesserte i det, oppdatert på kva eg
held på med og kanskje kvifor. Kanskje eg likesågodt fleskar til med
mine innerste tankar, kjensler og slikt, men og element av raseri og
vrede. Denne spalta opnar altso for det meste.
Det er alltid festleg med tilbakemeldingar, anten via el-post,
gjestebok eller kanskje ein frekk diskusjon i forumet...?
30.07.2006
Sommar og ferietid. På tide
med eit nytt kapittel i vevloggen. Mykje har skjedd sidan
siste innlegg.
SlimFred-prosjektet haltar seg vidare, og
førebels må eg vel berre sei at eg ikkje er nøgd, korkje med
eigen innsats, eller det resultatet eg har oppnådd so langt.
Men eg har sjølvsagt ikkje gitt opp.
Me held framleis hus på
Nornestoppen. Trass i ein iherdig innsats, har ikkje Rune
klart å ferdigstilla nye-huset, slik at flyttedatoen no har
endra seg til ut i oktober. Det gjer eigentleg ikkje so
mykje for vår del, som trass alt har ein strålande stad å
bu. Men me skal jo sjølvsagt ikkje leggja skjul på at me
gleda oss til me kan flytta ut:)
Monica er endeleg ferdig
med skulegangen. Etter 18 år som
elev/student
er ho no blitt vaskeekte sosionom, eller med bachelor i
sosialt arbeid, som det visstnok heiter. Ho var ganske
heldig, so kunne gå rett i frå skulen og inn i 100% stilling
på Lerkehaugen i
Balestrand.
Førebels er det snakk om eit vikariat på eit knapt år, men
det vert uansett ei bra erfaring å ta med seg. Ho jobbar
turnus, og det innber litt kvelds og helgavakter, men det er
slikt som høyrer med. I tillegg vert det litt pendling, med
avstanden vert jo litt kortare når me flyttar utover.
Vonaleg kan ho av og til pendla med Inger som jobbar i samme
kommune.
18. juli vart faren min
heile 50 år. Eit slikt jubileum måtte jo sjølvsagt feriast,
og difor vart det skipa til ein storveges hagefest på
Leikanger. Av slekt og vener kunne me nesten rekna 30
frammøtte. Høgdepunktet var nok når jubilanten fekk eit
flunkande nytt slagverk i gåve av mor. Bilete frå festen kan
sjåast
her. Av andre
bursdagar sidan sist kan nemnast at Glenn vart 29 år den
23.06, Heidi vart 31 år den 4. august, og eg som fylte 28 år
den 29.06 :) Takk til alle som hugsa meg.
Eg har i skrivande stund
akkurat teke fatt på 2. ferieveke. So langt har dagane gått
med til grilling,
intense dart-kampar med
svigerfar (akkurat no han leda 36-30 i kampar),
litt øl og generell råtaskap. I utgangspunktet var planen å
ha 3 veker ferie i strekk, men sidan Monica ikkje har ferie
før siste veka i august, kan det henda eg tek to veker
ferie, før eg jobbar i ei veke, og so tek siste veka saman
med Monica frå den 21. august. Det vert ikkje nokon ferietur
denne sommaren, avdi alle resurssane er overflytta i "hus-fondet".
Vonaleg tek me ein tur til
Trøndelag og
vitjar farmor, noko me har lova i fleire år. Ellers har eg
skaffa billettar til Norge-Brasil på Ullevål 16. august, men
sidan eg, mest sannsynleg skal jobba då, ser det ikkje ut
som det blir noko tur. Det er eigentleg ikkje like
interessant lenger sidan Ronaldinho, Ronaldo, Kako osv.
ikkje kjem til Ullevål. Men som ein sann fotballelskar er
det jo eigentleg ei skam at eg enno ikkje har vore på
landslagsarenaen vår.
Apropos fotball... Denne
helga var det seriestart i England, i alle fall i den nest
øverste divisjonen. Og sidan Leeds framleis er å finna i
denne divisjonen,
er det jo høgaktuelt:) Serieåpninga gjekk greitt, med ein
1-0 siger over Norwich. Vonaleg rykkjer me opp i "rette"
divisjonen etter endt sesong. No får eg endeleg høve til å
følgja laget mitt tett, sidan
Viasat har lova å senda
alle Leeds-kampane denne sesongen. Vonar at eg no
endeleg skal få "valuta" for bindingsavtalen eg inngjekk for
straks to år sidan. Då lova dei også å senda ei mengd med
Leeds-kampar. Det viste seg jo straks at dei ikkje heldt det
løftet, og eg kan berre hugsa å ha sett 3 seriekampar på dei
to åra. Uansett, den nye Leeds-drakta eg alt bestilt frå
webshopen til Leeds
United, saman med heile 3 (!) Leeds-ballar.
Sistnevnte kan vonaleg bidra til å sikra framgangen i
SlimFred-prosjektet. So fingers crossed. Ellers rota jo
Sogndal på i første divisjon, med særs variable resultat.
Men dei ligg ikkje langt bak opprykksplassane, so alt er
mogeleg.
Men no må eg gå attende til
ferien min:) Avslutningsvis vil eg ynskja alle vitjarar og
lesarar ein fortsatt strålande sommar.
Mvh Kenfred |
24.04.2006
Prosjekt SlimFred 2006
er endeleg i gang. Etter litt fobredelsar (påske og ferie)
vart heile stasen sparka i gang i dag. Ikkje for det, det er
ikkje første gong unge Kenfred går i gang med slikt
prosjekt. Men, nytt denne gongen er at alle vitjarar av
nettstaden min, får høve til å følgja den rivande utviklinga
i prosjektet. På
SlimFred-sidene
vert vekt og livvidde fortløpande oppdatert. I tillegg vert
det oppretta ein
ny bolk i
diskusjonsforumet, som eine og aleine er tiltenkt
SlimFred-prosjektet. Forumet skal vera min "ventil" der eg
skal posta mine erfaringar og "rop om hjelp", samstundes som
vitjarar kan (og bør) komma med oppmuntrande ord.
Påsken gjekk føre seg i fred
og fordragelegheit. Sidan godveret glimra med sitt fravær,
var det heller ikkje so forferdeleg mykje å springa rundt
ute etter. Men, me fekk i det minste teke ein liten tur på "Strondi",
der me kava oss fram på Tungestølen. I tillegg til Monica og
eg, var Rogers og med. Han imponerte stort, både med tanke
på skidugleik og ikkje minst på motivasjonsbiten. Heile
seansen vart avslutta med
pølsefest og
Munkholm hos
svigers. Heilt grei påske, tykkjer eg. Påsken var tett følgt
av ei knakande fin ferieveke. Her fekk eg lada opp batteria,
og forberedt meg til SlimFred prosjektet.
Sidan sist innlegg i vevloggen
har me rukke 2 (!) personalfestar. Ei helg samlast heile
gjengen (Mobildata
Førde,
Mobildata Sogndal
og
Expert Valaker Førde)
på
Hotell Alexandra i Loen.
Ei særs hyggjeleg helg, der gode kollegar samlast, i meir
elle uformelle omgivnader. Eg må få sei at eg tykkjer eg har
knakande fine kollegar. Sidan det var høve til å ha med
følgje, var sjølvagt
Monica ved mi
side. Denne helga møttes alle frå Mobildata Sogndal igjen
hos Residens Bergseth i Kvernavegen 12. Etter å ha kosa oss
med pizza, vart det knallhard tevling i
ishockey (det
gode, gamle, klassiske spelet med stenger), før det igjen
enda i typiske festaktivterar som Singstar og Buzz. Sjølv
hadde eg vel ein mindre velykka kveld, etter mitt aller
første møte med drikken akevitt. Men, du verden kor festleg
det var når det stod på:) Takk
til pappa som figurerte som sjåfør, tur/retur.
Ellers er mars og april
månader som er fylte med bursdagar. Lat meg difor gratulera
farmor med 80-årsdagen, Monica med 26-årsdagen, bestemor med
68-årsdagen, mamma med 48-årsdagen, Danita Therese med 21
årsdagen og sist med ikkje minst Lillian med 56-årsdagen. I
tillegg tykkjer eg det er høveleg å gratulera svigers med
bryllupsdagen, 12. april.
Ellers går det mykje i
fotball, pc/web, tipping om dagen, akkurat slik som før,
akkurat slik det skal vera. Med berre 2 rundar att i
England, kan me konstantera at Leeds står midt i
opprykkstriden, og laget skal ut i kvalifiseringskampar.
Dette betyr at Leeds altso kan spela i Premier League att.
Hm... Fingers krossed! Med serieavslutinga i England, nærmar
det seg også sesongslutt i
Gisseligaen.
Følg med den spanande utviklinga:)
Sesongslutt i England betyr sesongstart i Norge. Og
eg registrerar at Sogndal har opna sesongen noko famlande.
Ikkje bra, sidan me på Mobildata har satsa tungt på laget
hos
Unibet. Vonar
det snur, snøggare enn snøgt.
Ellers har me da strålande
bra, her på Nornestoppen. Me ser med spaning fram mot å
flytta inn i huset vårt. Noko som ser ut til å bli rundt
august...
Våren er ei strålande tid.
Ynskjer alle vener og kjente ein strålande vår.
Mvh Kenfred |
10.02.2006
Då har me teke fått på ein
heilt nytt år, og plutseleg skriv me 2006. Og fjoråret
slutta med eit pang. Vetle-julaftan prøvde eg å flytta
fjell, ja i alle fall delar av eit fjell. Mann og bil versus
fjell... Det gjekk som det måtte gå.
Kasko, bonustap
og 50 dagar utan bil. Det har ikkje vore spøk, men ein
kom seg gjennom det og. Takk til alle som velviljug har
stilt opp som sjåførar og/eller lånt vekk bilen sin til meg.
I tillegg rauk LCD'en på laptopen min, so den måtte eg klara
meg utan den i ein heil månad. Og ikkje nok med det (jamfør
Valen sin
Flo-imitasjon) rauk
skjermkortet
på min stasjonære pc. Mange vil sikkert tru at dette har
ført til at eg har løfta SlimFred 2006 til nye høgder, men
til dei må eg berre beklaga. Sjøl om det framleis er
framgang, går det ikkje so fort som ein skulle håpa. I løpet
av januar har det blitt 2 kg. mindre
Kenfred å
vera glad i. Heldigvis er det mange att;) Men, eg kjempar vidare... Har rota med tanken
og å fleska til (nok eit artigt ordspel) med eit vektdiagram
på nettsidene, men førebels er det lagt på is. Følg med!
Kenfred.com har fått ei
flunkande ny spalte.
"Aktuelt"
er namnet på den flunkande nye spalta du kan finna på
framsida på kenfred.com. Dette er rett og slett ei samling
aktuelle ting, som på ein eller annan måte omfattar meg her
i livet. Her vil du finna lenkjer til alt muleg eg set pris
på, som eg vil anbefala til andre. Nesten som ein refleksjon
av Kenfred akkurat no. Elles skal eg freista å
få stabla ein eller annan form for biletegalleri på føtene.
Eg veit at eg ligg etter med dette, so eg skal freista å få
til noko slikt.
Ellers er det lite nytt sidan
sist. Men sidan siste innlegg har me rukke enno ein
personalfest hos sjef
Bergseth. Og
nok ein gong enda det sjølvsagt med øl og karaoke. Gud
betre. Men, denne gongen vart showet kuppa av Elias, yngste
blad
Bergseth.
Hans versjon av "Båbb båbb, derideri båbb båbb suuu" sette
resten av forsamlinga i skuggen. Fantastisk.
Som før går dagane med til
pc/web, fotball, tipping osv... Nokon som er overraska? :)
Mvh Kenfred |
04.12.2005
Adventstid... Juletid... Jula
handlar mykje om førebuingar og tradisjonar. Eg e glad for å
ha fått ein oppvekst der jula står sentralt, slik at eg kan
gleda meg til å skli inn i julemodus. Samvær med
familie og vener, maten (noko som kan bli eit heftig hinder
for framdrifta i
SlimFred '05 prosjektet) og stemninga er
viktig for meg. Me står no altso framfor vår siste jul i
leiligheita på her på
Nornesfeltet. Julafta skal nok
tilbringast på samme måte som før...
Lat meg fortelja deg om "Kenfred's jul". Dagen startar tidleg, og det første eg
gjer er å stupa opp i julestrømpen. Som oftast har eg vore
snill gut, og nissen har gjeve meg løn i form av snop og
anna godis. Tenk, kor mange dagar i året kan ein ete
snop til
frukost. Etter det er det frukost hos svigers, før det ber rett
inn på
jobb. Etter
det ber det heimatt, vonaleg til mandel og
graut. Vidare
reiser eg utover i 17 tida, der eg har ansvaret for å passa
på grytene, medan mor,
far og søster går i kyrkja. Kl. 18 er det duka for den
årlege matorgien.
Pinnekjøtet
står sentralt, men sidan familien har representantar frå
fleire landsdelar, har me litt forskjellig mat.
Besteforeldra
kjem som relger aldri presis, og det er like artig kvar
gong. Kl. 20 ligg me og gispar etter luft, før me likesågodt
set oss ned og et litt til. No er det fråtsing i kaker og
julesnadder. Pakkane opnast i 9 tida, og
dette er ein prosess som gjerne tek litt tid. I 23 tida
kjempar med oss til overflata av havet med innpakkingspapir.
23.15 proklamerar bestemor at "Ja, no e jula over". Deretter
senkar julefreden seg. Rundt midnatt set eg meg i
bilen, og rullar inn på Nornestoppen, der eg held fram
feiringa med nørene. Resten av jula går føre med
forskjellege juleselskap med familien. Og so er faktisk jula over...
Ellers susar dagane av garde
som aldri før. Dagane går med til jobb, fotball, timevis med
sørfing og dataaktivitetar. Nyleg var eg og Monica
deltakarar på "julebordtrefesten" til
Mobildata Sogndal,
borte hos sjef Bergseth på Kaupanger. Det er berre å ta av
seg hatten og takka vertskapet for ein rasande flott kveld.
Sjølv om eg føler at eg betalte dei attende med mine feiande
flotte vokal-prestasjonar i fleire timar. *kremt*
Konklusjon, kombinasjonen masse øl og karaoke er ikkje bra.
Eit lite tips; dersom du ein kveld skulle snubla over ein
sløra kenfred, ber eg om at du ikkje viftar med ein mikrofon
framfor andletet hans. Og ikkje nok med det, større delar av
kvelden er vissnok dokumentert i form av levande bilete.
Hjelp. Uansett, ein tvers igjennom festleg kveld, frå ende
til annan. Eg gleda meg allerede til neste juletrebordfest.
Dersom eg får stabla eit biletegalleri på føtene, skal de i
alle fall få sjå dei flotte bileta me tok den kvelden.
I tillegg tillet eg meg å
minna om at
eg kvar søndag legg ut 3 nye
lenkjer på kenfred.com. Desse er å finna på
framsida.
Dette er meint som eit feiande flott tilbud til brukarar av
nettstaden min. Eg freistar å presentera lenkjer til
nettstader som er aktuelle, spanande, artige og interessante
eller håplaust unyttige. Eg prøver i tillegg å "gå ut
breitt" slik at alle brukarane skulle finna noko av
interesse. Etter at veka er over, vert lenkjene flytta til "lenkjearkivet",
som vil bli ei rasandes stor samling av framifrå lenkjer...I
tillegg kan eg skilta med tenester som
sms-oppdatering,
diskusjonsforum,
gratis e-post konto
mm.
Eg har ein del
web-prosjekt på gang. M.a oppdateringar av
tortalle.com,
firstfloorparfymeri.com,
kenfred.com
og
oddrogers.tk.
Og ikkje nok med det står det tre flunkande nye prosjekt for
tur. Utan å røpa for mykje kan eg sei at den eine omfattar
hundar, medan ei anna omfattar ei datahjelp-teneste og til
slutt ei som omfattar eit feiande flott band frå Luster. Ja,
no tenkjer eg du er spent.
Av og til får eg ei ganske
merkeleg kjensle eigentleg, for plutseleg kjem eg på at me har kjøpt oss hus.
Sidan me framleis er busette på Nornestoppen, er det lett å
gløyma at me ligg tungt inne i
eigedomsmarknaden på
Leikanger :)
God Jul og
Godt Nyttår, alle saman.
Mvh Kenfred |
02.11.2005
So har det endeleg skjedd. Me
har investert i fast bustad. For få timar sidan vart
kontrakten underskreven, slik at no kan me endeleg kalla oss
sjølve for huseigarar! Jippi. Førebels vert me framleis
buande på "Nornestoppen" i nokre månader, fordi bustaden me
har kjøpt ikkje er ledig før i juni 2006. Men, det er altso
pr. dags dato me som eig bustaden. Dei som vil komma på
vitjing (m.a for å ta ein
pils på den
feiande flott "pilsnerverandaen", må nok venta til juni).
Kommande mandag og tirsdag
vert eg å finna bak disken i ein fresh og nyoppussa
Mobildata-butikk
i Førde. Ja du las heilt rett. Dette er ein lekk i ny nye
"utvekslings-plan" i bedrifta vår. Dette går i korte trekk
ut på at selgjarane byter butikk. Dette skal visstnok vera
ei nyttig erfaring, som skal gjera oss til betre selgjarar.
So pass på neste gong du vitjar meg i butikken. Kom gjerne
innom i Førde, dersom du er på dei kantar.
Ellers e da ikkje so mykje
nytt å melda om. Skulle da henda nåke, vil du alltid kunne
lesa om det i denne spalta. So følg med!
Mvh Kenfred |
02.10.2005
Følte trang til å skriva nokre
ord igjen, på tampen av denne late helga, som eigentleg er
som helgar flest ;)
Til dei som ikkje er klar over
det, kan eg berre opplysa om at me ligg i dialog om å overta
ein bustad på Leikanger. Sjølvsagt er dette noko som opptek
oss ein heil del om dagen. Det skal opprettast kontakt med
fleire i ein slik prosess.
Leikanger Kommune
og
Fokus Bank,
med min gode ven og (vonaleg framtidige) finasielle
rådgjevar Kay Roger i spissen, er døme på slike. Me reknar
med å få ei avklaring i saka i løpet av den kommande veka.
Følg med på nettsidene, og ta deg gjerne i bruk av den
flunkande
nye SMS-tenesta på
kenfred.com. På den måten er du garantert å vera
blant dei første som får vita den rivande utviklinga i saka
:)
Ellers går dagane med til
Gisseligaen,
nettsurf, ukristelege mengder med
fotball,
noko eg trivast strålande godt med.I tillegg jobbar eg
flittig på
Mobildata Sogndal.
Og på toppen av dette, finn eg og tid til å "prøvekøyra" den
siste investeringa/gadget'en,
Pioneer DEH-P70BT.
Ein feiande flott og festleg bilstereo med innebygd
handsfree-funksjonalitet i form av saumlaus
blåtann-teknologi. Du verden.
Forresten, eit imot eit godt
tips frå ein matglad ung herremann. Den nye
Big One HomeMade Style
kan anbefalast på det varmaste. Pizzavalg numero uno for
Kenfred for tida, noko som inneber at
Grandiosa Pepperoni
er henvist til den keisame andreplassen...
Bravissimo!
På gjensyn, vyrde vitjarar. |
12.09.2005
Så er altso Kenfred's nye
nettsider på plass.
Sidan det uansett er den store
valdagen i
dag, valde eg (du verden, kjekt ordspel) altso å publisera
dei nye nettsidene. Sjølv om ikkje alt er på plass enno,
tykkjer eg det var høveleg å gjera det slik. Resten kjem
etter kvart.
Og til deg som no sikkert
tenkjer: "ja kenfred er no seg sjølv lik, sitje å montere
nettstader dagen lang, og rett og slett gi beng i val,
framtida og kongeriket...!" Men neidå, der tek du nok feil.
Eg har førehandsrøysta. Eg har hatt røysterett i heile 9 år
utan å nytta den, so no tenkte eg at nok er forsyne meg nok.
Eg har forsvinnande lite greie på
politikk, men
noko skal ein jo røysta på, og i mitt tilfelle landa eg på
FRP. Løfter
om eit land utan Mullah Krekar, meir bruk av oljepengar, at
dei eldre skal få det betra, vart nok utslagsgivande. Og
brått hadde eg gjort mi plikt, og mi aller første røyst var
i boks. Kjempestas...
Lei
sjukdom har
herja med meg i over ei veke, og tappa kreftene mine. Og
ikkje nok med det, men i tillegg skal ein slita med leie
biverknader av ein aldri så liten OD med
Fishermans Friend.
Slikt er nok til å ta motet frå dei fleste. Men, eg er på
bedringens veg, og reknar med å vera tilbake på
jobb innan
kort tid. Vonaleg vil eg likevel få tid til overs, slik at
eg får montert siste delen av dei nye nettsidene.
Time vill sjåvv
;)
|
|